Ang Unang Sulat ni Pablo kay Timoteo

Panimula:

               Si Timoteo ay isang kabataang Cristiano na mula sa Asia Minor. Isang Griego ang kanyang ama at Judio naman ang kanyang ina. Siya'y naging kasama at katuwang ni Pablo sa pagpapahayag ng Magandang Balita tungkol kay Jesu-Cristo. Sa Unang Sulat ni Pablo kay Timoteo, tatlong pangunahing paksa ang tinatalakay.

               Ang sulat na ito'y babala laban sa mga maling turo na pumapasok sa iglesya. Halimbawa, ang paniniwala na ang mundo ay likas na masama, at ang kaligtasan ay matatamo lamang sa pamamagitan ng mga kaalamang lihim at sa pagsunod sa ilang tuntunin, gaya ng pagbabawal ng ilang uri ng pagkain at ang di pag-aasawa. Nilalaman din ng sulat na ito ang mga tagubilin tungkol sa pamamahala at pagsamba sa loob ng iglesya. Inilalahad niya ang mga katangiang dapat taglayin ng mga pinuno at ng mga naglilingkod dito. Si Timoteo ay pinapayuhan din ng sumulat na maging mabuting lingkod ni Jesu-Cristo at pinapaalalahanan tungkol sa mga pananagutan niya sa kapwa mananampalataya.

Nilalaman:

• Panimula 1:1-2;
• Mga turo tungkol sa iglesya at sa mga pinuno nito 1:3---3:16;
• Mga tagubilin kay Timoteo tungkol sa kanyang gawain 4:1---6:21

previous page            next page

Mga Kabanata: 1 Timoteo | 1 | 2 | 3 | 4 | 5 | 6